X
X

რას ეძებ?

სხვადასხვა

ბაღების მართვის სააგენტო ინფორმაციას ავრცელებს

გაზიარება

თბილისის საბავშვო ბაგა-ბაღების მართვის სააგენტომ მართვის ხარისხის უმაღლესი შეფასება მიიღო. ხარისხის მენეჯმენტის სერტიფიკატი – ISO 9001:2015 სააგენტოს ბიზნესმენეჯმენტის საერთაშორისო საკონსულტაციო კომპანია SAI GLOBAL-მა გრძელვადიანი აუდიტის შემდეგ მიანიჭა. ამის შესახებ სააგენტოს ხელმძღვანელმა, კახაბერ გვანცელაძემ გნაცხადა.

„მოხარული ვარ, რომ სააგენტომ მენეჯმენტის ხარისხის სერტიფიკატი მეორედ მოიპოვა. მინდა, მადლობა გადავუხადო დედაქალაქის მერიას და სააგენტოს თითოეულ თანამშრომელს ამ პროცესის მხარდაჭერისთვის. ეფექტური მართვა ნიშნავს სააგენტოს რესურსების რაციონალურ ადმინისტრირებას და თუ გავითვალისწინებთ, რომ სააგენტო ბაგა-ბაღებისა და აღსაზრდელების მშობლებისთვის რესურსცენტრს წარმოადგენს, გაუმჯობესებული მომსახურებით, აღნიშნული სერვისის მთავარი ბენეფიციარები, ჩვენი აღსაზრდელები ისარგებლებენ. სააგენტოს სერვისების ხარისხის ზრდა ბაგა-ბაღის თითოეული სერვისის ხარისხის ზრდასთან პირდაპირპროპორციულია“, – განმარტავს სააგენტოს ხელმძღვანელი კახაბერ გვანცელაძე.

ბაღების მართვის სააგენტოს ცნობით, მართვის ხარისხის საერთაშორისო შეფასების დამადასტურებელი სერტიფიკატი თბილისის საბავშვო ბაგა-ბაღების მართვის სააგენტოს პირველად 2018 წელს მიენიჭა. უწყების მიერ განხორციელებული სისტემური ცვლილებები მაშინაც უმაღლეს დონეზე შეფასდა. პარალელურად, მომზადდა რეკომენდაციები ადამიანური რესურსების მართვის სტრატეგიის შემუშავებასთან დაკავშირებით, რაც სააგენტოსა და საჯარო ბაგა-ბაღების ოპერირებაში ეფექტურად დაინერგა და განხორციელდა.

სტატიის წყარო

Skip

Leave a Comment

Your email address will not be published. Required fields are marked *

X
X